Վերջին հարձակման հետևանքով շատ մարդիկ ԼՂ-ից ստիպված էին հեռանալ Հայաստան. Քերըն Մելխիոր
04 Հոկտեմբերի 2023, 19:39
«Հայոց ցեղասպանության ժամանակ դանիացի բժիշկները փորձում էին օգնել հայերին. այն ժամանակ միջազգային հանրություն արհամարհեց հայությանը, միայնակ թողեց նրանց»: Այս մասին Եվրախորհրդարանում «Իրավիճակը Լեռնային Ղարաբաղում Ադրբեջանի հարձակումից հետո և Հայաստանի դեմ շարունակվող սպառնալիքները» թեմայով քննարկմանը հայտարարել է դանիացի պատգամավոր Քերըն Մելխիորը:
«Իսկ վերջերս Ադրբեջանը ներխուժեց իր հարևանի տարածք և Եվրամիությունը ոչինչ չարեց: Վերջին հարձակման հետևանքով շատ մարդիկ Լեռնային Ղարաբաղից ստիպված էին հեռանալ Հայաստան:
Մենք գիտենք, թե ինչ աշխարհաքաղաքական խաղադրույքներ են արված: Շատ տարօրինակ է, երբ Ուրսուլա ֆոն դեր Լայենը, Բորելը խոսում են Եվրամիության մասին՝ որպես գլոբալ խաղացողի, սակայն մենք անգամ չեն կարողանում արձագանքել այս ճգնաժամին: Մենք միշտ մի կողմ ենք քաշվում և տեղ ենք տալիս մյուս գլոբալ խաղացողներին: Եվրամիությունը պետք է ինչ-որ բան անի:
Եվրահանձնաժողովի ներկայացուցիչներին կոչ եմ անում գնալ Գրանադայում կայանալիք Եվրոպական քաղաքական համայնքի հանդիպմանը և կանգնել Հայաստանի կողքին»,- ասել է նա:
Հիմա եթերում
