«Եթե իշխանությանը հեռացնենք, Արցախը հնարավոր կլինի վերադարձնել». Alpha News-ի հարցումը

Alpha News-ը հարցում է անցկացրել մայրաքաղաք Երևանում՝ պարզելու՝ մեր համաքաղաքացիները հավատո՞ւմ են, որ հնարավոր է Արցախը վերադարձնել ու ինչ է պետք դրա համար անել.

«Հնարավո՞ր է ներկայիս կառավարությանն ասել, որ հեռանան, կամ տարբերակ կա՞ նրանց հեռացնելու: Ինձ թվում է՝ եթե իրենց հեռացնեք, ամեն ինչ հնարավոր կլինի»,- ասել է մեր համաքաղաքացիներից մեկը:

Հարցման մասնակիցներից շատերի համոզմամբ՝ մոտ ապագայում չէ, բայց հնարավոր է Արցախը վերադարձնել, եթե ժողովուրդը համախմբվի.

«Հավատը միշտ էլ կա, որ վերադարձ կլինի: Չեմ կարծում, որ մոտ ապագայում դա կլինի, որովհետև բավականին դժվարին իրավիճակում ենք: Արժե շատ երկար մտածել՝ քայլեր անելուց առաջ, որովհետև մեծ բան ենք կորցրել», «Միանշանակ, Արցախը հետ ենք բերելու, մնում է հայ ազգին համախմբենք, միասին հաստատ ամեն ինչ էլ կանենք», «Արցախը կարող ենք հետ բերել, եթե միջուկային զենք ստեղծենք». այսպիսին էին Alpha News-ի հարցման պատասխանները: