Վարդենիսի դիրքերից մեկում սպանված Կարեն Կարապետյանը Ոսկեվազ գյուղից էր

Մարտական դիրքում սպանված պայմանագրային զինծառայող Կարեն Կարապետյանն Արագածոտնի Ոսկեվազ գյուղից էր։ Նա 24 տարեկան էր։

«Կարենն ընտանիքի ավագ որդին էր, ունի ևս մեկ եղբայր: Շատ լավ երիտասարդ էր, մարդ: Կոչումով լեյտենանտ էր, ռազմական համալսարանն էր ավարտել»,- 24News-ի հետ զրույցում ասել է Ոսկեվազ համայնքի ղեկավար Երվանդ Համբարձումյանը:

Ավելի վաղ Պաշտպանության նախարարությունը հայտնել է, որ  հունվարի 9-ին՝ ժամը 06:20-ի սահմաններում, ՊՆ N զորամասի պահպանության տեղամասի N մարտական դիրքում հայտնաբերվել է պայմանագրային զինծառայող Կարեն Արայիկի Կարապետյանի դին՝ հրազենային վնասվածքով: Դեպքի հանգամանքներն ամբողջովին պարզելու նպատակով ընթանում է քննություն: