Ադրբեջանի դեմ պատժամիջոցների կիրառումը կլինի ոչ արդյունավետ․ Մակրոն

05 Հոկտեմբերի 2023, 21:10

Քաղաքականություն

Լեռնային Ղարաբաղում իրավիճակի պատճառով Ադրբեջանի դեմ պատժամիջոցներ սահմանելն այժմ արդյունավետ չէր լինի: Այս մասին հայտարարել է Ֆրանսիայի նախագահ Էմանուել Մակրոնը:

«Հիմա պատժամիջոցների ժամանակը չէ։ Դրանք արդյունավետ չէին լինի և կխանգարեին պաշտպանել Հայաստանի տարածքը», — հայտնել Է Ֆրանսիայի նախագահը։

Նա հավելել է, որ այժմ պետք է պահպանել երկխոսությունը Ադրբեջանի հետ։

Հիշեցնենք, որ ավելի վաղ Եվրոպական խորհրդարանը բանաձև էր ընդունել՝ կոչ անելով պատժամիջոցներ սահմանել Ադրբեջանի դեմ՝ Լեռնային Ղարաբաղում իրավիճակի պատճառով: Հաղորդվում է, որ փաստաթուղթը կոչ է անում տնտեսական պատժամիջոցներ սահմանել, ինչպես նաև վերանայել Եվրոպական միության համագործակցությունը Ադրբեջանի հետ, այդ թվում ՝ էներգետիկ ոլորտում:

Հիմա եթերում