Երևանից փորձագետների խումբը ժամանել է Բաքու․ 30 տարում առաջին չարտերային չվերթը

Մի խումբ հայ փորձագետներ ժամանել են Բաքու։ Հարկ է նշել, որ սա Երևանից Բաքու առաջին չարտերային թռիչքն է վերջին 30 տարվա ընթացքում։

Հոկտեմբերի 21-22-ը Երևանում ադրբեջանական պատվիրակության կողմից «կլոր սեղանին» մասնակցությունը ենթադրում է հայ փորձագետների այցելությունը Բաքվում կայանալիք նմանատիպ միջոցառմանը։ Ինքնաթիռը Ադրբեջանի մայրաքաղաք է ժամանել առավոտյան։ Այս մասին «ՌԻԱ Նովոստի»-ին հայտնել են Հ. Ալիևի անվան օդանավակայանից։

Հիշեցնենք, որ Հայաստանի կառավարությունը 17.5 միլիոն դրամ (45.6 հազար դոլար) է հատկացրել Երևան-Բաքու և հետադարձ չարտերային չվերթի կազմակերպման համար՝ ապահովելու հինգ հայ փորձագետների մասնակցությունը նոյեմբերի 21-22-ը Բաքվում կայանալիք «կլոր սեղանին»։

Որոշման հիմնավորման մեջ նշված է, որ քննարկմանը մասնակցությունը թույլ կտա ակտիվացնել կապերը Հայաստանի և Ադրբեջանի քաղաքացիական հասարակությունների ներկայացուցիչների միջև, ինչպես նաև ձևավորել վստահության մեխանիզմներ երկու երկրների հասարակությունների միջև։