Թեհրանը հինգ արաբական երկրից փոխհատուցում է պահանջել վնասի համար
14 Ապրիլի 2026, 13:15
ՄԱԿ-ում Իրանի մշտական ներկայացուցիչ Ամիր Սայիդ Իրավանին հայտարարել է Բահրեյնից, Սաուդյան Արաբիայից, Կատարից, ԱՄԷ-ից և Հորդանանից փոխհատուցում պահանջելու մասին՝ ամերիկա-իսրայելական գործողության հետևանքով Իրանին պատճառված վնասի համար։ Այս մասին ասվում է Իրավանիի նամակում, որը նա ուղարկել է ՄԱԿ-ի գլխավոր քարտուղար Անտոնիու Գուտերեշին։
«Բահրեյնի Թագավորությունը, Սաուդյան Արաբիայի Թագավորությունը, Կատարի Պետությունը, Արաբական Միացյալ Էմիրությունները և Հորդանանի Հաշիմյան Թագավորությունը…. պետք է լիովին փոխհատուցեն Իրանի Իսլամական Հանրապետության վնասը, ներառյալ նրանց միջազգային հակաիրավական գործողությունների հետևանքով հասցված ողջ նյութական ու բարոյական վնասների համար փոխհատուցումը», — նամակից հատված է մեջբերում «Ինտերֆաքս» գործակալությունը:
Իրանական կողմն այս պահանջը կապում է այն բանի հետ, որ Իրանի դեմ գործողության ընթացքում Միացյալ Նահանգներն «օգտագործել է նշված արաբական պետությունների տարածքները նրանց թույլտվությամբ՝ Իսլամական Հանրապետության նկատմամբ ագրեսիայի գործողություններ իրականացնելու» համար։
«Այս պետությունների վարքագիծը՝ ագրեսորների կողմից Իրանի Իսլամական Հանրապետության դեմ իրենց տարածքների օգտագործման թույլտվությունը, որակավորվում է որպես ագրեսիայի ակտ», — ընդգծել է Իրավանին։
Նամակի համաձայն՝ այս երկրները «խախտել են Իրանի նկատմամբ իրենց միջազգային պարտավորությունները»։
Հիմա եթերում
